БИШКЕК, 17-мар. — Sputnik. Бишкекте Honda Odyssey унаасынын айдоочусу жөө адамдар өтүүчү чийинден үч чет элдикти коюп кетти. Маалыматты Кайгуул милиция тастыктады.
Билдирүүгө ылайык, жабырлануучулар ооруканага жеткирилип, кийинчерээк бирөө каза болуп калган.
Кырсык 13-мартта түнкү саат 23:30да Ахунбаев көчөсүндө катталган, бирок окуя тууралуу эми гана белгилүү болду. Унаа айып короого киргизилип, материалдар шаардык милицияга өткөрүп берилгени айтылды.