БИШКЕК, 17-мар. — Sputnik. Бүгүн Кыргызстанда Масленица майрамы шаңдуу белгиленүүдө. Бишкектин жашоочуларына Санкт-Петербургдан келген "Морошка" ыр-бий театрынын жана Орус драма театрынын артисттери майрамдык маанай тартуулашты. Кече Орус драма театрында өттү.
Чогулгандарга артисттер балалайкада ойноп, орус элдик бийлерин бийлешип, анын элементтерин, маанисин түшүндүрүп беришти.
Кооз кийинген бийкечтер, жаңы каймак менен жумшак куймак бул майрамдын элементи катары көпчүлүктүн көңүлүн көтөрдү. Майрамга катышкандар кыш каракчысын өрттөөгө да күбө болушту.
Масленицанын урматына Кант жана Кара-Балта шаарларында да концерттер уюштурулган.