БИШКЕК, 16-мар. — Sputnik. Камчыбек Ташиев менен Саймумин Ятимов кыргыз-тажик чек ара маселеси боюнча кезектеги жолугушуусун өткөрдү. Бул тууралуу министрлер кабинети билдирди.
© Фото / пресс-служба кабмина КР
Маалыматка караганда, өлкөлөрдүн өкмөттүк делегацияларынын башчылары сүйлөшүүлөрдү Бустондо (Тажикстан) жүргүзгөн. Алар чек араны делимитациялоо маселелерин талкуулап, жумушчу топторго калган тилкелерде чек ара сызыгын аныктоо иштерин улантууну тапшырышты.
Жолугушуу достук жана өз ара түшүнүшүү маанайында өткөнүн Кыргызстандын министрлер кабинети билдирди.