"Асылкеч" сөзүн түз мааниде тамашакөй, ал эми өтмө мааниде ынак, жакын, сырдаш деп колдонсо болот. Бул тууралуу Нурбек Талантбеков Sputnik Кыргызстан радиосунун "Көөнө сөз" рубрикасында билдирди.
Анын айтымында, эпосто бул сөздү эки вариантта тең колдонулганын кездештирүүгө болот.
"Тамашакөй дегенди билдирген "асылкеч" сөзү кездешет. Бирок бул сөздү өтмө мааниде ынак, жакын, сырдаш, жакшы көргөн адамга карата да айтууга болот. Эпосто:
Он жетиде жашы бар,
Оролгон кара чачы бар.
Оймок ооз, калем каш,
Таш көөхардай башы бар.
Кайдан тапкан жан билгиз,
Ал асылкеч сулуунун,
Шекер, шербет ашы бар, - деп сулуунун кеби, эби, ашы бардык тарабы төп келгенин сүрөттөгөн саптар кездешет", — деди Талантбеков.
Ошондой эле ал көөнө сөздөр тилди байыта турганын кошумчалады.