"Кыргызстандын жайгашкан аймагынын ыңгайлуулугунан улам жеңил өнөр жай багытында эл аралык деңгээлде жакшы бир позицияны кармап калуу мүмкүнчүлүгү бар. Бул үчүн дүйнөгө өзүбүздү, потенциалыбызды көрсөтүшүбүз керек. Ушул максатта ар жыл сайын биздин тикмечилик өнөрдү жайылталы деп форум уюштуруп келебиз. Быйыл иш-чара апрель айында Бишкек шаарында өтөт. Аны уюштурууга министрлер кабинетинен тарта тиешелүү мамлекеттик ведомстволорго чейин күч жумшоодо. Биз Тышкы иштер министрлиги жана өзүбүздүн каналдар аркылуу катышуучуларды чакырып жатабыз. 300дөй ири компанияны алып келип, биздин ишканалар менен тааныштырсак деген ниетибиз бар. Ал компаниялардын келген-кеткен чыгымын өзүбүз көтөрөбүз. Бир гана талап — ишкананын 100 миллион рублден ашык жүгүрткөн акчасы болушу зарыл. Эмнеге рубль, анткени кардарларыбыздын, форумга катышууну каалагандардын көпчүлүгү россиялыктар. Мына ушул кардарлар менен таанышып, келишим түзүп, келечекте иштешип калуу мүмкүнчүлүгү түзүлөт", — деди Сулайманов.