БИШКЕК, 16-мар. — Sputnik. Ош шаарындагы Ак-Буура дарыясынын жээгине калаанын символу болгон мажүрүм талдын көчөттөрү отургузулду. Бул тууралуу шаардын мэриясы билдирди.
Дарыянын жээгине жалпысынан 300гө жакын көчөт отургузулган.
Мэрия ошондой эле "Бир жарандан – бир дарак" аттуу жалпы шаардык акциянын башталганын эскертип, калаа тургундарын Ошту көрктөндүрүүгө жана жашылдандырууга активдүү катышууга чакырды.
2024-жылы шаарга 300 миңге жакын бак-дарак отургузуу пландалууда.