БИШКЕК, 15-мар. — Sputnik. "Улуттук электр түйүндөрү" ишканасы Бишкекте электр кубатына күч келген учурда жарык өчүрүлө турган көчөлөрдүн тизмесин жана убакыт-саатын жарыялады.
Сүрөттөгү графиктен электр энергиясы кайсы жерде канча саатка берилбей турганын көрө аласыз.
Эске салсак, буга чейин Энергетика министрлиги Токтогул ГЭСинин №1 агрегатын жана Үч-Коргон ГЭСин реконструкциялоого байланыштуу электр энергиясы көп пайдаланылган учурда чектөөлөр киргизилиши мүмкүн экенин эскерткен. Өлкөнүн бардык аймактарында жарык маал-маалы менен өчө баштаган. Күн жылып калганда мындай чектөө кайра токтогон.