"Тайганчылык өнөрдү өркүндөтүү максатында бүгүнкү күндө Салбуурун федерация бир катар иш-чараларды Дене тарбия жана спорт департаментинин Спорттун улуттук түрлөрү боюнча дирекциясынын колдоосу менен өткөрүп келет. Учурда ата мурасын аздектеп, тайган кармап келгендердин саны өтө көп эмес. Кирешелүү болбогондуктан мындай ишти баары эле кыла бербейт. Мындан 15 жылдай мурда бул өнөрдү жоготуп албайбызбы деген маселе турган. Бактыга жараша, колдоо көсөтүлүп, анын натыйжасында бүгүнкү абалыбыз жакшы. Акыркы жылдары тайганчылыкты таанытуу, жайылтуу максатында ЮНЕСКОго каттоо аракети болуп келет, акыркы этаптарына келип калдык. Өнөрдүн тарыхын, азыркысын чагылдырган 9 мүнөттүк видеоролик даярдап, комиссияга тапшыруу керек. Бул процесс дагы бир жылдай убакытты алат", — деди Молдакунов.