БИШКЕК, 14-мар. — Sputnik. Ош шайлоо округу боюнча бир мандаттуу депутатты мөөнөтүнөн мурда шайлоо дайындалды. Бул тууралуу президенттин маалымат кызматы билдирди.
Тиешелүү жарлыкка Садыр Жапаров кол койду. Шайлоо 28-апрелде өтөт.
Кечээ Борбордук шайлоо комиссиясы ордун тапшыруу боюнча арыз жазган Жогорку Кеңештин депутаты Айбек Осмоновду мандатынан ажыраткан. Февраль айынын аягында Осмонов өргүүгө чыгып, Түркияга дарыланууга кеткен.