БИШКЕК, 9-мар. — Sputnik. Кыргызстандык Валентина Шевченко UFC уюмунун The Ultimate Fighter (TUF) аттуу шоусунда устат болуп дайындалды.
Аталган шоуда мушкерлер эки командага бөлүнүп, белгилүү машыктыруучулар менен чогуу жашап, машыгат. Устаттардын бири Валентина болмокчу.
Жеңүүчүлөр UFC менен келишим түзсө, машыктыруучулары ал жакта беттеш өткөрөт. Шевченко дивизиондун жаңы чемпиону Алекса Грассо менен кармашат. Спортчу айымдар буга чейин эки жолу беттешкен. Биринчисинде Валя жеңилсе, экинчисинде мушкерлер тең чыккан.