БИШКЕК, 9-мар. — Sputnik. Москванын Владимир Зеленскийди жок кылуу ниети жок. Бул тууралуу Россиянын БУУдагы өкүлүнүн орун басары Дмитрий Полянский аталган уюмдун Коопсуздук кеңешинин жыйынында билдиргенин РИА Новости жазды.
Буга чейин БУУнун Коопсуздук кеңешиндеги Батыштын бир катар өкүлдөрү Россияны Зеленскийдин кортежинен жана грек делегациясынан бир нече жүз метр аралыктагы (Одессадагы) объектилерге чабуул салганы үчүн сынга алышкан.
"Бул шаарга гректердин жогорку даражалуу делегациясы барган учурда чындыгында согуштук объектилерине кол салуу болгон Одессада сирена үнү чыккан жок. Мындай нерсе "цирктин программасына" киргизилген эмес", — деди Полянский.
Ал БУУнун Коопсуздук кеңешинин мүчөлөрүнө "эгер биз чындап эле Зеленскийдин кортежине сокку урууну кааласак аны жасай албайбыз деп ойлойсузбу?" деген суроону узатты.
Полянский кесиптештерин бул суроого ачык жооп берүүнү кеңеш кылды.
"Өзгөчө бул сокку учкучсуз деңиз аппараттарын чыгарган ишкананы талкалагандыгын, тагыраагы, Улуу Британиядан алып келинген тетиктерди кураштырылган жердин жок кылынгандыгын эске алуу менен жооп бериңиздер", — деди дипломат.
Полянский Россия үчүн бул максат Зеленскийге караганда алда канча маанилүү экенин айткан.
"Эгерде араңарда кимдир бирөө Киев режиминин башчысынан ушундай жол менен арылууга болот деп ойлоп жатса, анда бул нерсе биздин планга кирбейт деп эскертип кетем", — деди ал.