БИШКЕК, 9-мар. — Sputnik. Бишкекте автоунааны токтоп турган жеринен айдай качты деп шектелип, 22 жаштагы улан кармалды. Бул тууралуу ЖКККББнын маалымат кызматы кабарлады.
7-мартта саат 21:30дар чамасында борбор калаадагы үйлөрдүн жанынан Audi А4 автоунаасы уурдалганы тууралуу маалымат түшкөн.
Милиция "Перехват" планын жарыялап, машинаны Бишкек — Нарын — Торугарт жолунан токтотушкан, бирок айдоочу инспекторлорго баш ийбей качкан.
Кызматкерлер тил албаган айдоочунун артынан кууп жетип, жерге үстөмөндөтүп, колун толгоп кармашканы айтылды.