БИШКЕК, 6-мар. — Sputnik. Россия атомдук объектилердин коопсуздугун арттыруу үчүн бардыгын жасай турганын РФ лидери Владимир Путин МАГАТЭнин башкы директору Рафаэль Гросси менен жолукканда айтты. Бул туурасында РИА Новости жазды.
"Биз дүйнөдө бул чөйрөдөгү лидерлердин бири бойдон калабыз, атомдук энергияны пайдаланып гана тим болбостон, аны энергиянын таза түрү деп эсептейбиз. Атомдук объектилердин коопсуздугун арттыруу үчүн бардыгын жасайбыз", — деди мамлекеттин башчысы.
Россия лидери буга тез нейтрондогу Курск өзөктүк 2-электростанциянын курулушун жана атомдук флоттун өнүгүшүн мисал келтирди. Анын айтымында, Москва өнөктөштөр менен тажрыйба алмашууга даяр, МАГАТЭ менен кызматташтыкты бардык багыттар боюнча бекемдөөнү пландаштырууда жана агенттикке аларды карай үчүн жасаган кадамы үчүн ыраазылык билдирет.
"Сиздердин күн тартибиңиздерде өтө маанилүү, кылдаттыкты талап кылган маселелер бар экендигин билем. Албетте, биз аларды талкуулоого жана дүйнөнүн кайсы гана жери болбосун коопсуздукту камсыздоого даярбыз. Биздин баары бир өзөктүк энергетикага тиешебиз бар", — деди Путин.
Мамлекет башчы менен МАГАТЭнин башкы директорунун жолугушуусу Сочи шаарында өтүп жатат. Гросси Путин менен Запорожье АЭСинин айланасындагы согуштук активдүүлүктү талкуулоону пландагандыгын айткан эле.