БИШКЕК, 2-мар. — Sputnik. Кыргызстандын банктарына сом менен салынган депозиттердин көлөмү рекорд жаратты. Мындай тыянакка Улуттук банктын маалыматтарынан улам келүүгө болот.
Январь айынын аягына карата жалпы депозиттик база 431 миллиард 277,6 миллион сом деп бааланган.
561,7 миллион — бул тарыхтагы экинчи көрсөткүч, бир ай мурда 63,8 миллион сомго көп болгон.
Депозиттик жалпы көлөмдүн азайганы менен улуттук валютадагы база дээрлик миллиард сомго көбөйүп, рекорддук көрсөткүчкө жеткен. Тактап айтканда, 235 миллиард 549,6 миллион сомду түздү.
Ал эми чет элдик валютадагы салымдар 195,7 миллиард сом деп бааланды (бир ай ичинде миллиард сомдон ашык азайган).
Эске салсак, мында депозиттик салымдар (мөөнөттүү жана талап кылынганга чейинки) гана эмес, эсептердеги каражаттар да кошо саналат. Атап айтканда, юридикалык жана жеке жактардын, ошондой эле резидент эместердин каражаттары тууралуу кеп болууда.
Улуттук банк депозит акча сом валюта