БИШКЕК, 28-фев. — Sputnik. Бүгүндөн тарта жол эрежесин бузган айдоочуларга салынган кошумча туум жокко чыкты. Бул тууралуу ЖКККББнын маалымат кызматы кабарлады.
Билдирмеге караганда, буга чейин жол эрежесин бузган айдоочуга айып салынып, аны өз убагында төлөбөгөн учурда туум кошулчу. Эми ал норма алып салынды.
"Бүгүндөн тарта айдоочу жол эрежесин бузгандыгы үчүн негизги салынган айып пулду гана төлөйт", — деп жазылат маалыматта.
Мындай мыйзам жол эрежесин бузуп алган айдоочулардын чыгымы кээ бир учурда эки эсе көбөйүп кеткендиги үчүн кабыл алынган.