БИШКЕК, 28-фев. — Sputnik. Бишкекте россиялык окумуштуулардын "Асман менен Ысык-Көлдүн ортосунда: Кыргызстандын 100 көрүнүшү" аттуу сүрөт көргөзмөсү ачылды. Бул тууралуу Россиянын Кыргызстандагы элчилигинен кабарлашты.
Иш-чарада эки өлкөнүн адистери тарабынан 2014-2023-жылдар аралыгында Ысык-Көлдү биргелешип изилдөө иштеринин жыйынтыгы боюнча даярдалган жыйнак тартууланган.
Сүрөт көргөзмөнүн ачылышына министрлер кабинетинин төрагасы Акылбек Жапаров, Россиянын Кыргызстандагы элчиси Николай Удовиченко, Россия Илимдер академиясынын президиумунун мүчөсү Александр Глико жана башкалар катышкан.