БИШКЕК, 26-фев. — Sputnik. Салык кызматы салык жана камсыздандыруу төгүмдөрү боюнча карыздарды онлайн-текшерүү, төлөө кызматын ишке киргизди.
Эми Cabinet.salyk.kg сайты аркылуу аралыктан туруп салыктарды, камсыздандыруу төгүмдөрүн компьютер, смартфон аркылуу текшерип, төлөөгө болорун Салык кызматынан кабарлашты.
"Аталган кызмат салык төлөөчүлөрдү салык органдарына, банк мекемелерине баруудан же төлөм терминалдарын издөөдөн, туура эмес төлөө тобокелдиктеринен бошотот", — деп айтышты ведомствонун маалымат кызматынан.
Бул кызматты колдонуу жөнүндө кошумча маалыматты Cabinet.salyk.kg сайтындагы "Руководства" бөлүмүнөн алууга болот.