БИШКЕК, 24-фев. — Sputnik. Кыргызстандык булгаары мээлейчи Зафарбек Камилов Комсомольск-на-Амуре (Россия) аймагында өтүп жаткан турнирде алтын медаль тагынды.
2006-2007-жылы туулган спортчулар катышкан бул таймаш жыл сайын өткөрүлүп келет. Ал милдетин өтөп жатып курман болгон советтик жана россиялык жоокерлердин элесине арналган.
Россиядан, Беларустан, Кыргызстандан, Өзбекстандан, Казакстандан, Монголиядан, Борбордук Африка менен Египеттен булгаары мээлейчилер катышууда.
Камилов 51 килограммга чейинки салмак категориясындагылар арасында алтын медалга татып, финалда беларустук атаандашына жеңилүү ызасын тарттырган.
Бүгүн аталган шаарда финалдык беттештер өтүп жатат.