БИШКЕК, 24-фев. — Sputnik. Борбор шаардагы Түштүк магистралда жеңил машина жөө кишилер өтчү жерден эки өспүрүмдү сүзүп кетти.
Окуя 22-февралда Түштүк магистралда, 10-кичи райондун аймагында болгонун Кайгуул милициясынан билдиришти.
Жабыркаган 12 жана 15 жаштагы өспүрүмдөр ооруканага жеткирилген, ал эми балдарды коюп кеткен айдоочу 59 жаштагы эркек киши экени аныкталган.
Иликтөө иштери, экспертиза жүргүзүү башталып, Toyota Prius автокөлүгү айып короого токтотулган.