БИШКЕК, 23-фев. — Sputnik. Сүлүктүдө жол кырсыгынан 17 жаштагы эки бала жана 21 жаштагы бир жигит каза болгонун Баткен облустук милициясы билдирди.
Маалыматта О.А.Т. аттуу бала Honda Jazz автоунаасын айдап чыгып, Раззаков — Арка унаа жолунда рулга ээ боло албай трассадан чыгып кеткени айтылат. Натыйжада имаратты сүзүп, аңтарылып калган. Муну кесепетинен айдоочу бала, жүргүнчү катары бараткан 21 жаштагы жигит мүрт кеткен.
Ичиндеги дагы бир 17 жаштагы бала Лейлек райондук оорукананын жандандыруу бөлүмүнө алып келингенден кийин үзүлгөнү маалым болду.