БИШКЕК, 23-фев. — Sputnik. Россиялык альпинист Евгений Глазунов Баткендеги Ак-Суу чокусунда каза болгонун mountain. ru басылмасы жазды.
Буга чейин аны ӨКМдин куткаруучулары жана россиялык үч альпинист издеп жаткан.
Глазунов 12-февралда чокуга жол тарткан. Акыркы жолу 16-февралда байланышка чыккан. mountain. ru альпинист аман-эсен ылдыйга дээрлик түшүп жетишкенин белгиледи.
"Ага таш кулап кеткен болушу мүмкүн", — деген шериги Кирилл Поветкин.
ӨКМ маалыматты тастыктап, Глазуновдун сөөгү 300 метр бийиктиктен табылганын билдирди.
Чокунун бийиктиги 5 355 метрди түзөт.