БИШКЕК, 22-фев. — Sputnik. Кыргыз футбол союзунун президенти Камчыбек Ташиев бүгүн улуттук курама команданын башкы машыктыруучусу Штефан Таркович менен жолукту. Бул тууралуу КФСтин маалымат кызматы кабарлады.
Жолугушуунун жүрүшүндө Ташиев менен башкы машыктыруучу улуттук курама команданын 2026-жылы өтө турган дүйнө чемпионатынын квалификациялык оюндарына болгон даярдыгын талкуулашкан.
Белгилей кетсек, УКМК төрагасы Камчыбек Ташиев буга чейин Кыргыз футбол клубунун президенти болуп дайындалган.
Кыргызстандын футбол боюнча улуттук курама командасы 2026-жылдагы дүйнө чемпионатынын квалификациялык раундунда ойной баштаары белгилүү болгон. Өткөн жылы команда эки тандоо беттешин өткөргөн, алдыда кеминде төрт оюн бар.