БИШКЕК, 21-фев. — Sputnik. Ысык-Көлдө "Манасчылар паркы" комплексинин эскиздик долбоору иштелип чыкты. Бул тууралуу Архитектура, курулуш жана турак жай-коммуналдык чарба мамлекеттик агенттигинен кабарлашты.
© Фото / пресс-служба Госстроя КР
Ага ылайык, эскиздик долбоорду Ак-Суу районунун шаар куруу жана архитектура боюнча башкармалыгы иштеп чыккан.
"Манасчылар паркы Теплоключенка айылынын батыш тарабына курулат. Аталган паркта манас айтууга, Нооруз майрамын өткөрүүгө, көргөзмө жыйын уюштурууга, музей катары колдонууга шарт түзүлмөкчү. Жаштар үчүн сейил бак катары жана меймандар үчүн сый көргөзүүгө багытталган түрдүү скульптуралык композициялар орнотулат", — деп жазылат маалыматта.