БИШКЕК, 19-фев. — Sputnik. Кыргызстандык Айнуска Калил кызы имарат ичиндеги жеңил атлетика боюнча Азия чемпионатында күмүш медаль утту. Бул тууралуу Жеңил атлетика федерациясынан кабарлашты.
© Фото / пресс-служба Федерации легкой атлетики КР
Тегеранда (Иран) өтүп жаткан мелдеште Айнуска Калил кызы 1500 метр аралыкты 4 мүнөт 35,29 секундада чуркап өтүп, 2-орунду ээлеген.
Маалым болгондой, аталган турнирге Кыргызстандан беш спортчу барган. Буга чейин ушундай эле дистанцияда чуркаган Нурсултан Кеңешбеков алтын медаль алган.