БИШКЕК, 17-фев. — Sputnik. Бишкекте КР эл артисти Табылды Актановдун калемине таандык "Тагай бий" спектаклинин премьерасы тартууланат. Бул тууралуу уюштуруучулар билдиришти.
Тарыхый драма 27-28-февралда Токтоболот Абдумомунов атындагы Кыргыз улуттук академиялык драма театрында саат 18:00гө белгиленген. Режиссёру — КР эмгек сиңирген артисти Назым Меңдебаиров.
Спектакль Маданият, маалымат, спорт жана жаштар саясаты министрлиги жана Мамлекеттик тил боюнча улуттук комиссиянын колдоосу менен коюлары кошумчаланды.