"Көрүү курчтугу толук кандуу жашоону камсыз кылууда негизги ролду ойнойт. Балдарда көрүүнүн начарлашын көрсөткөн симптомдор аныкталса, дароо жашаган жери боюнча офтальмологго кайрылуу зарыл. Каттоодо турган жери боюнча Үй-бүлөлүк дарыгерлер борборунун офтальмологу 18 жашка чейинки балдардын көрүүсүн курчтугун акысыз текшерет. Бул чара көрүү системасынын ооруларды эрте аныктоо жана алдын алуу максатында медициналык жардамдын жеткиликтүүлүгүн камсыздоого багытталган. Көрүү курчтугунан жабыркаган балдар жарым жылда бир жолудан кем эмес текшерүүдөн өтүшү керек. Клиникалык байкоо ооруну өз убагында аныктоого жана дарылоого мүмкүндүк берет. 2023-жылдын 10-октябрынан тарта Калкка медициналык кызмат көрсөтүүнүн мамлекеттик кепилдиктер программасынын жаңыланган редакциясы күчүнө кирди. Ага ылайык, амбулатордук деңгээлдеги уюмдарда жүргүзүлүүчү изилдөөлөрдүн тизмеси дагы 42 медкызматка көбөйтүлдү. Ал эми эң керектүү делген дары каражаттарынын тизмесине 500 препарат кирди. Тизмедеги дарылар 50-90 пайыз жеӊилдетилген шартта сатылат", — деди Азизбекова.