БИШКЕК, 15-фев. — Sputnik. Жанынан баңгизат табылган милиционер менен кошо үч адам кармалды. Бул тууралуу ИИМдин маалымат кызматы кабарлады.
"11-февралда колго түшүрүлгөндөрдүн биринин жанынан милициянын сержанты наамындагы күбөлүк алынган. Кармалгандардын экөө Жаза аткаруу кызматынын №21 тергөө абагына киргизилген", — деп айтылат кабарда.
Буга чейин ишенимдүү булактар милиционердин жанынан 100 куту гашиш табылганын айтса, ИИМ маалыматында баңгизаттын өлчөмүн көрсөткөн эмес. Алар жарыялаган видеодон 48 кутучаны көрүүгө болот.