БИШКЕК, 14-фев. — Sputnik. Эмилбек Абдыкадыров президенттин Ысык-Көл облусундагы ыйгарым укуктуу өкүлү кызматынан бошотулду. Бул тууралуу президенттин маалымат кызматы кабарлады.
Тиешелүү жарлыкка Садыр Жапаров кол койгон. Азырынча мындай чечимдин себеби айтылган жок.
Абдыкадыров бул кызматка 2023-жылдын ноябрында дайындалган. Буга чейин 2022-жылдын февраль айынан 2023-жылдын октябрына чейин Бишкек шаарынын мэри болуп иштеп келген.