БИШКЕК, 14-фев. — Sputnik. Бишкекте баңгизат жайылтууга шектелип милиция кызматкери кармалды. Бул тууралуу Sputnik Кыргызстан агенттигине укук коргоо органдарындагы ишенимдүү адамдар билдирди.
Алдын ала маалымат боюнча, укук коргоочуну тинтүү учурунда жанынан 100 кутучага салынган гашиш табылган.
"Милиция кызматкери ИИМдин Баңгизатты мыйзамсыз жүгүртүүгө каршы күрөш кызматы тарабынан кармалган. Соттун чечими менен ал Бишкектеги №1 тергөө абагына киргизилген. Учурда кылмышка катыштыгы бар башка адамдар аныкталууда", — деген ишенимдүү булак.