БИШКЕК, 12-фев. — Sputnik. Жалал-Абаддын кооптуу аймактарында жашаган 1 074 үй-бүлө коопсуз жайга көчүрүлөт. Бул тууралуу ӨКМ билдирди.
Маалыматка караганда, Жалал-Абад облусунун Сузак, Базар-Коргон райондорунда, Жалал-Абад шаарынын жер көчкү жүрүү кооптуулугу бар аймактарында жашаган үй-бүлөлөргө эскертүү берилүүдө.
"Башкармалыктын район-шаардык бөлүмдөрүнүн аскер кызматкерлери жана жергиликтүү көчүрүү комиссиясынын өкүлдөрү түшүндүрүү иштерин жүргүзүп жатышат. Алар кооптуу аймактан биротоло көчүп чыгуу зарылдыгын эскертишүүдө", — деп айтылат маалыматта.
Аталган аймакта жашаган 1 074 үй-бүлөнүн басымдуу бөлүгү Сузак районунда.