БИШКЕК, 12-фев. — Sputnik. Кыргызстанда 66 мамлекеттик дарыкана ачылганын саламаттык сактоо министри Алымкадыр Бейшеналиев билдирди.
© Фото / пресс-служба Минздрава КР
Кезектеги аптека студенттердин бейтапканасында ишке берилген. Министрдин айтымында, жыл соңуна чейин мындай дарыканалардын санын 100гө жеткирүү каралып жатат.
"Жакын арада Ош шаары менен Сузак районунда дагы үч дарыкана ачуу пландалууда. Мындай темп менен жыл аягына чейин санын 100гө жеткире алабыз. Ушу тапта бул дарыканаларда дарынын 1 500 түрү сатылып жатат. Баасы да арзаныраак. Бул өз кезегинде керектүү дары-дармектин жеткиликтүүлүгүн камсыздап, медициналык тейлөөнүн сапатын жакшыртат", — деди Бейшеналиев.