"Бул протездерди Республикалык протездик-ортопедиялык буюмдар мекемесинин техник-протезчилери Сколковонун резиденти болгон "Моторика" компаниясынын компоненттеринен жасашты. Ал электроникасыз иштеп, суудан зыян тартпайт. Россиялык ишкана менен кызматташунун жыйынтыгында жалпысынан 26 бала акысыз протез алды. Бул үчүн бюджеттен 1,5 миллион сом бөлүнгөн. Ошондой эле "Элим, барсыңбы" кайрымдуулук фондунан 400 миң сомдон ашык каражат чогулган. Балдар функционалдык протездерди кичине кезинен баштап колдоно башташы керек. Кол протездери баланын кыймылын жеңилдетет, ден соолугунда жаралчу көйгөйлөрдү алдын алып, күнүмдүк тиричилик жеңилдейт. Биздин ишкана учурда 13 миңден ашык мүмкүнчүлүгү чектелген адамдарды, анын ичинде 5,9 миңге жакын баланы тейлейт. Мекеме майыптар үчүн 150дөн ашык продукция чыгарат", — деди Солтонбекова.