БИШКЕК, 7 фев — Sputnik. Россиянын Илимдер академиясынын мүчөсү Геннадий Онищенко Кыргызстан менен Россия медицинанын кайсы багыттары боюнча кызматташа аларын Sputnik Кыргызстан агенттигиндеги брифингде билдирди.
Анын айтымында, дары-дармек өндүрүү жаатында эки өлкөнүн кызматташуу потенциалы чоң, мүмкүнчүлүктөр бар.
"Сейрек кездешкен ооруларды дарылоо, трансплантология өңдүү жогорку технологиялык тейлөө жаатында да биргелешип иштешсе болот. Мисалы, Россиянын Трансплантология институту дүйнөдө жүрөк алмаштыруу операциясын көп жасайт", — деген Онищенко.