БИШКЕК, 6-фев. — Sputnik. АКШ президенти Жозеф Байден Украина тизмеге кирбей калганы үчүн Өкүлдөр палатасындагы республикачылардын Израилге караган кошумча жардам боюнча мыйзам долбооруна вето коерун айтууда.
РИА Новости мындай кадам эгерде Конгресс документти колдосо жасаларын билдирди.
Ишемби күнү Өкүлдөр палатасынын спикери Майк Жонсон конгрессчилер кийинки жумада Израилге карала турган 17,6 миллиард долларлык жардам боюнча мыйзам долбоорун талкуулап, добуш берилерин кабарлаган. Анда Украинага бериле турган жаңы колдоо жөнүндө сөз болбостугу айтылган. Документти Ак үйдүн маалымат катчысы Карин Жан-Пьер сындаган. Анын айтымында, Байдендин администрациясы буга караманча каршы.
Башкармалык мыйзамчылардын бул кадамын "уятсыз саясий ыкма" деп атады.
"Администрация Конгресстин эки палатасын тең бул саясий куулукту артка кайтарууга чакырат", — деп айтылган билдирүүдө.
Башкармалык анын ордуна Конгресске сенаттык мыйзам долбоорун кабыл алууну сунуштады (чек араларга бөлүнө турган 118,28 миллиард доллар, бул Киев жардамына караганда үч эсе аз). Администрациядан эгерде республикачылардын мыйзам долбоору Байденге сунушталса "ал вето коймоктугун" айтышты.