БИШКЕК, 3-фев. — Sputnik. Өткөн жылдын январынан ноябрына чейин Кыргызстанга баалуу металлдардан жасалган 3,3 тонна зер буюм ташып келинди. Бул тууралуу Улуттук статистика комитетинин маалыматында айтылат.
Аталган көлөмдөгү буюмдун баары 8,5 миллион долларга бааланган.
Импорттолгон өлкөлөр:
Россия — 2 тонна;
Түркия — 0,8 тонна;
Италия — 0,3 тонна;
Кытай — 0,2 тонна.
Мындан сырткары, азыраак көлөмдө 11 өлкөдөн жана Гонконгдон (Кытайдын атайын административдик району, статистикада өзүнчө көрсөтүлөт) алып келишкен. 2022-жылдын ушул эле мезгилинде 24,5 тонна зер буюм (5,2 миллион долларга) импорттолгон.