БИШКЕК, 2-фев. — Sputnik. ТЭЦтеги авариядан улам мамлекет башчы Садыр Жапаров жерине барды. Бул тууралуу президенттин маалымат кызматы кабарлады.
Билдирмеге караганда, ал ТЭЦти калыбына келтирүү иштеринин жүрүшү менен таанышып чыгып, аны тез арада оңдоо боюнча кечиктирилгис тапшырмаларды берген. Бардык тиешелүү кызматтар күчөтүлгөн режимде иштеп жатканы кошумчаланды.
© Фото / пресс-служба президента КР
Эскерте кетсек, 2-февралга караган түнү ТЭЦте авария катталып, өрт чыккан. Мындан улам шаарга жылуулук жана ысык суу берүү үзгүлтүккө учурады. Азыркы тапта кырсыктын кесепетин жоюу аракеттери жүрүп, тиешелүү мамлекеттик органдардын өкүлдөрүнөн турган комиссия иштеп жатат.
Авария боюнча Sputnik Кыргызстан агенттиги тексттик трансляция жүргүзүүдө. Ошондой эле ыкчам маалыматтарды Телеграм-каналдан да окуп турсаңыздар болот.