БИШКЕК, 30-янв. — Sputnik. Узаган жылдын 11 айында Кыргызстандан сыртка 504,2 миллион доллар которулду. Бул туурасында Улуттук банктын жаңыланган маалыматында айтылат.
Буга чейин башкы банк ушул эле мезгилде жеке жактар акча которуу системасы аркылуу чет өлкөлөргө 424 миллион доллар жөнөткөнүн билдирген. Бирок жакында эле мекеме банктык мобилдик тиркемелер (банк картасы) жана электрондук капчыктар аркылуу которуулар өскөнүн кабарлаган. Эми которуулардын ушул эле түрү да статистикага киргизилип, салтка айланган акча которуулар системасы менен бирге эсептелет.
Белгилей кетсек, жаңыланган маалыматта былтыр Кыргызстанга келген каражат да көбөйдү. Анын суммасы 1,8 миллиард доллардан 2,,4 миллиардга чейин жетет.