БИШКЕК, 30-янв. — Sputnik. Айланма жолдо катталган жол кырсыгында бир адам каза болгонун Sputnik Кыргызстан агенттигине өздүк маалымат булактары билдирди.
Алдын ала маалыматтар боюнча, жол кырсыгында дагы үч адам жабыркаган.
“Баары Ысык-Ата райондук ооруканасына алып келинди. Жабыркагандардын бирөө оор абалда, анын омурткасы сынып кеткен. Алдын ала маалымат боюнча, эки адам ооруканага жатуудан баш тартты”, — деп билдирди бизге маалымат булагы.
Жол кырсыгы бүгүн болду. Ысык-Ата районунун Алга айылына жакын жерде оор жүк ташуучу унаа менен жеңил унаа кагышкан.