БИШКЕК, 26-янв. — Sputnik. Кыргызстан менен Кытайдын чектешкен аймагында түндөн бери дагы төрт жолу жер титирөө катталган. Маалымат Сейсмология институтунун сайтына жарыяланды.
Ага ылайык, биринчиси 26-январга караган түнү саат 02:01де катталып, анда жер титирөөнүн магнитудасы 6га чукулдаган. Акыркысы эртең мененки саат 07:55те болуп, анда магнитуда 4кө жеткен.
Эске салсак, кыргыз-кытай чек арасында жер титирөө 23-январдан бери катталууда. Ал түнү өлкөдө жер силкинүүнүн күчү 6 баллга жеткен.