БИШКЕК, 26-янв. — Sputnik. Бишкекке дагы жаңы 124 автобус келгенин мэриянын маалымат кызматы кабарлады.
Билдирмеге караганда, бүгүн ордо калаада "Бишкек жүргүнчүлөр автотранспорт ишканасы" муниципалдык ишканасына жаңы автобустарды расмий тапшыруу аземи өттү. Иш-чарага калаа жетекчилиги жана долбоорду каржылаган тараптардын өкүлдөрү катышкан.
Транспорт "Жашыл автобустар" долбоорунун алкагында алынганы айтылды. Мэриянын маалыматы боюнча, каражаттын жарымы насыя, жарымы грант болуп эсептелинет.