БИШКЕК, 24-янв. — Sputnik. Кыргызстанда түндө дагы бир нече жер титирөө катталганын Сейсмология институтунан кабарлашты.
Ага ылайык, магнитудасы 3,3кө жеткен жер титирөөнүн очогу Кочкор айылынан 30 чакырым алыстыкта жайгашкан.
Башка жер силкинүүлөрдүн очогу Кытайдын аймагында экени айтылды. Ысык-Көл облусунун айрым айылдарынын тургундары күчү 3 баллга жеткен силкинүүнү сезишкен.