БИШКЕК, 23-янв. —Sputnik. 2023-2024-окуу жылына Кыргызстандагы жогорку окуу жайларына кышкы кабыл алуунун IV туруна каттоо жүрүп жатат. Бул тууралуу Билим берүү жана илим министрлиги билдирди.
Маалыматка ылайык, конкурска катышуу үчүн талапкерлерди каттоо 22-январда башталган, 24-январь күнү саат 14:00дө аяктайт. Кабыл алууга сунушталган абитуриенттердин тизмеси 25-январь күнү саат 9:00гө чейин жайгаштырылат. Кабыл алынган абитуриент окууга каалоосун 27-январь саат 16:00гө чейин тастыктоосу керек.
Эскерте кетсек, абитуриенттерди тандоо жана кабыл алуунун I туру 2023-жылдын 25-декабрында башталган.