БИШКЕК, 23-янв. — Sputnik. Бишкекте 1 000 доллар алып жаткан жеринен Ленин районунун башкы архитектору А.Н.М. жана Мамлекеттик картографиянын экономикалык бөлүгү боюнча бөлүм башчысы М.Ж.А. кармалды. Бул тууралуу УКМКнын маалымат кызматы кабарлады.
© Фото / пресс-служба ГКНБ КР
Билдирмеге караганда, башкы архитектор коммерциялык объектилер түрттүрүлөт деп коркутуп, ээлеринен ортодогу адамдар аркылуу 2-3 миң доллар талап кылган. Учурда тергөө амалдары жүргүзүлүп, башка кызмат адамдарынын бул коррупциялык схемага катышы бар-жогу такталып жатканы кошумчаланды.