БИШКЕК, 21-янв. — Sputnik. Куткаруучулар Аламүдүн районундагы "Кашкулак" лыжа базасында сноуборд тээп жүрүп жардан кулап кеткен адамды алып чыгышты. Өзгөчө кырдаалдар министрлиги куткаруу учурундагы видеону жарыялады.
Мекеменин билдирүүсүнө ылайык, 20-январда 23 жаштагы адам сноуборд тээп жүрүп коктуга түшүп кетип, бутун кокустатып алган. Чакырылган жерге алты куткаруучу барган. Алар жабыркаган кишини алып чыгуу үчүн 100-150 метр ылдый түшүп, аман алып калышкан.
"Кызматкерлер тургунду Бишкек шаарына алып келишкен. Абалы жакшы", — дешти ӨКМден.