БИШКЕК, 21-янв. — Sputnik. Кыргызстанда калктын кирешеси акыркы эки жылда 40 пайыздан ашык өстү. Бул тууралуу Экономика жана коммерция министрлиги маалымдады.
Мекемеден белгилешкендей, 2023-жылдын январь-ноябрь айларында орточо айлык акы 32 142 сомду түзгөн. Бул 2022-жылдын ушул мезгилине салыштырмалуу 20,6 пайызга көп.
"Ал эми анын реалдуу өлчөмү керектөө бааларынын индексин эсепке алганда 8,6 пайызга өстү. Пенсиянын орточо өлчөмү 19,5 пайызга, айлык, социалдык жөлөк пул 2 эсеге көбөйгөн", — деп айтылат министрликтин маалыматында.