БИШКЕК, 20-янв. — Sputnik. Бишкекте жаңы, чоң айланма жол менен жүрүүчү автобус каттамы ачылууда. Бул тууралуу мэриядан кабарлашты.
Маалыматка ылайык, 22-январдан тарта 55-номерлүү 20 автобус шаардыктарды тейлей баштайт.
"Каттам Чоң-Арык айылынан айланма жол менен жүрүп, Байтик баатыр, Жибек Жолу, Ч. Айтматов көчөлөрүн камтыйт. Маршруттун узундугу 24 чакырым, ал эми автобустар 10 мүнөттүк интервал менен жүрөт", — деп айтылат маалыматта.
Мэрия буга чейин Бишкекте автобустар үчүн бир чоң шакекче жана анын ичинде перпендикуляр кыймылды камсыз кылган бир нече чакан шакекчени түзүүнү пландаган.