БИШКЕК, 19-янв. — Sputnik. Коомдук транспортто 11 сом боло турган жол кире — убактылуу акция. Бул тууралуу мамлекеттик MegaCom компаниясынан билдиришти.
Эске салсак, 30-январдан тарта Бишкекте жол кире кымбаттап, накталай 20 сом, "Тулпар" картасы менен 17 сом, ал эми MegaРay тиркемеси менен 11 сом болору айтылган.
Ата мекендик компания бул акция убактылуу экенин белгилеп, ал 10-мартка чейин эле уланарын кошумчалады.