БИШКЕК, 18-янв. — Sputnik. Каракол калаасы быйыл People's Choice Awards номинациясында мыкты 100 stories тизмесине илиниши ыктымал. Бул тууралуу "Дестинация Каракол" коомдук уюмунан кабарлашты.
Ага ылайык, 2023-жылы шаар дүйнөлүк туризм аренасында өзүн көрсөтө алган.
"Green Destinations 2023 эл аралык сынагындагы мындай жетишкендик Караколдун туризм тармагында болушунча аракет кылып жатканынан кабар берет", — деп жазылат уюмдун маалыматында.
Бул жылы аталган шаар People's Choice Awards номинациясында мыкты 100 stories тизмесине кириши мүмкүн. Каракол шаарын колдоп, аны эл аралык аренадан көргүңүз келсе бул шилтеме менен кирип добуш берсеңиз болот. Добуш берүү 29-январга чейин уланары айтылды.