БИШКЕК, 17-янв. — Sputnik. Аламүдүн коктусунда жоголуп кеткен кишини издөөгө УКМКнын "Альфа" спецназы тартылды. Бул тууралуу ӨКМ билдирди.
Маалыматка караганда, 27 жаштагы Мухамбеталы Маматаалы уулун издөөгө кошумча күч тартылды.
"ӨКМдин дрондору, 62 куткаруучу, кинолог, КамаАЗ, карда жүрүүчү машина тартылды. Мындан тышкары, куткаруучулардын негизги курамына УКМКнын "Альфа" спецназынан сегиз кызматкер кошулду", — дешти министрликтен.
Эске салсак, Бишкектин четиндеги Аламүдүн коктусунда 27 жаштагы Мухамбеталы Маматаалы уулу жоголгон. Ал 14-январдан бери изделүүдө.