БИШКЕК, 17-янв. — Sputnik. Коргоо министрлиги тик учактын кырсыктаганын тастыктады. Алдын ала маалымат боюнча, бир адам каза тапкан.
Эске салсак, аба техникасы саат 10:55те Фрунзе-1 аймагына кулаган.
"17-январда окуу-машыгуунун жүрүшүндө Абадан кол салуудан коргоо күчтөрүнүн тик учагы аргасыз конууга дуушар болгон. Жабыркагандар бар. Коргоо министрлигинин жана Абадан кол салуудан коргоо күчтөрүнүн кызмат адамдары тарабынан бул окуянын чоо-жайын тактоо боюнча иштер жүргүзүлүүдө. Тергөөнүн жыйынтыгынан кийин кошумча маалымат берилет. Алдын ала маалымат боюнча, бир адам каза тапкан", — деп айтылат маалыматта.
Окуя боюнча Sputnik тексттик трансляция жүргүзүп жатат.